Учениците од основното училиште „Кеј Бингам“ почнаа да посетуваат часови за среќа. Пилот-програмата наречена „Проект за среќа“ ги учи како функционира среќата.

– Среќата не ја креира местото каде што се наоѓате или она што се случува околу вас. Проектот се заснова на идејата дека среќата може да биде едноставна исто колку и одлучувањето на што ќе се фокусирате. Ако се фокусирате на благосостојбата, можете да развиете способност да создадете чувство на мир и задоволство за себе. Ако продолжите да ја развивате оваа способност, тоа е начин на живеење што може да остане со вас цел живот – вели Лиса Пиј, наставничка од петто до шесто одделение и основач на проектот.

Проектот вклучува изучување на концепти како совесност, сочувство, љубезност, благодарност и што се случува кога човек поминува време во природа.

Учениците ќе учат за активности што ќе им помогнат да развијат увид во она што им носи мир. Некои примери се создавање мурали со креда, календари за љубезност, правење маици со слогани за среќа и интервјуа со најсреќната личност што ја познаваат.

Проектот е под влијание на пандемијата на Ковид-19 и сега времето за час е скратено, а групата треба да има го предвид и физичкото и социјално растојание.

– Ова значи дека, меѓу другото, ќе се концентрираме на малите искуства што ќе траат 10 минути – вели Пиј.

Една од целите на проектот е да им помогне на учениците да развијат среќен пристап кон животот, како еден начин да им се помогне да поминат низ адолесценцијата со поголема самодоверба и добри навики на менталното здравје.

Извор