Наставниците во Германија изразуваат загриженост поради сѐ поголемиот проблем со кој се соочуваат во образовниот систем. Проблемите со ракописот стануваат сè поизразени кај училишните деца, предупредува Франц-Јозеф Мајер (61), претседател на Здружението за образование на Долна Саксонија.

Децата пишуваат надвор од зададените редови, почнуваат да пишуваат на средината на страницата и генерално имаат нечитлив ракопис, детално објаснил Мајер.

„Нашите ученици забораваат да пишуваат. Се чини дека ракописот денес не се цени. Поради пандемијата на ковид-19, која доведе до затворање на училиштата и укинување на оценувањето на пишувањето и обликувањето на текстот, овие проблеми дополнително се влошија“, смета Мејер.

Мејер ја нагласува важноста на ракописот за развојот на интелигенцијата, нагласувајќи дека пишувањето ги стимулира активноста на мозокот и развојот на фините моторни вештини.

Штефан Ѓул (59), претседател на Германското здружение на наставници, повикува на итна акција, сугерирајќи дека основните училишта треба да воведат повеќе активности за пишување, како што се диктати и есеи, бидејќи личните рачно напишани пораки се заменуваат со дигитални комуникации. Ѓул ја нагласува важноста на пишувањето за поттикнување на креативноста, но исто така ја признава и важноста на дигиталната писменост.

Алармот за падот на вештините за пишување кај учениците е вклучен од мај 2023 година. Потоа било објавено истражувањето на Институтот за развој на квалитетот во образованието, кое открило дека четвртина од учениците во четврто одделение не поседуваат соодветни вештини за пишување. Министерката за образование Бетина Старк-Ватцингер изразила загриженост за опаѓањето на основните вештини кај учениците, нагласувајќи ја итната потреба од зајакнување на основните вештини како читање, пишување и сметање, кои се клучни за успех во образованието.

Извор